آزاد کشمیر میں لیگی امیدوار پی ٹی آئی سے رابطے کی کوشش کررہے: شہباز گِل

وزیراعظم عمران خان کے معاون خصوصی برائے سیاسی روابط ڈاکٹر شہباز گِل نے دعویٰ کیا ہے کہ آزاد کشمیر میں مسلم لیگ (ن) کے امیدوار پاکستان تحریک انصاف (پی ٹی آئی) سے رابطے کی کوشش کررہے ہیں۔

اپنی ٹوئٹ میں شہباز گل کا کہنا تھاکہ 3 درجن سے زائد حلقوں میں ن لیگ کے کُل 12 اور پیپلزپارٹی کے 8 امیدوار ہیں جبکہ ن لیگ کے 12 میں سے دو امیدوار آج بھی تحریک انصاف سے رابطے کی کوشش کر رہے ہیں۔

انہوں نے بتایا کہ وزیراعظم عمران خان کل تراڑ کھل اور کوٹلی آزاد کشمیر میں جلسوں سے خطاب کریں گے۔

وزیراعظم عمران خان انشاللہ کل ترار خیل اور کوٹلی آزاد کشمیر میں جلسوں سے خطاب کریں گے۔ تین درجن سے زائد حلقوں میں ن کے کل 12 امیدوار ہیں اور پی پی کے 8. ان 12 میں سے دو آج بھی Pti سے رابطے کرنے کی کوشش کر رہے ہیں۔ ن لیگ کا حال اس محاورے کی طرح ہے:
پلے نہیں دھیلہ کر دی میلہ میلہ

— Dr. Shahbaz GiLL (@SHABAZGIL) July 22, 2021