راولپنڈی(ڈیلی پاکستان آن لائن ) دبئی سے آنے والے 209 پاکستانی شہریوں میں سے 180 کورونا پازٹیوکی تصدیق ہوگئی ہے۔
نجی ٹی وی ایکسپریس نیوزکے مطابق دبئی سے پاکستان پہنچنے والے 209 پاکستانی شہریوں کوقرنطینہ سینٹرمنتقل کیا گیا تھا جن میں 180 افراد میں کورونا مثبت جبکہ 29 میں کورونا منفی کی تصدیق ہوگئی۔ذرائع محکمہ ہیلتھ کے مطابق 180 کورونا پازٹیو کوفاطمہ جناح یونیورسٹی قرنطینہ میں رکھنے کا فیصلہ کیا گیا ہے جہاں انہیں علاج معالجے کی سہولیات فراہم کردی گئیں۔ کورونا ٹیسٹ منفی آنے والے 29 افراد کووویمنز یونیورسٹی سکستھ روڈ قرنطینہ میں رکھنے کا فیصلہ کیا گیا ہے۔
https://dailypakistan.com.pk/06-May-2020/1129305?fbclid=IwAR1kt79jGbgs5pJbBrkJqUJKw7M0MK
hrRA4aCpeqPXKHHx7mjmR5PBZgTZM
لاہور(ڈیلی پاکستان آن لائن) پنجاب حکومت نے صوبے میں سلون، باربر شاپس بھی روزانہ مخصوص وقت تک کھولنے کا فیصلہ کر لیا۔
تفصیلات کے مطابق پنجاب حکومت نے لاک ڈائون میں نرمی سے متعلق ایک اور بڑا فیصلہ کر لیا، صوبے میں سلون، باربر شاپس بھی روزانہ مخصوص وقت تک کھولی جائیں گی۔
ذرائع کے مطابق سلون،باربر شاپس کے لیے3 روزمیں ایس او پیز تیار کیے جائیں گے،سلون، باربر شاپس کے لیے پہلے ایس او پیز پر عملدرآمدکرنا ضروری ہوگا۔صوبائی وزیر صنعت میاں اسلم اقبال کا کہنا تھا کہ حکومت9 مئی سے لاک ڈائون میں نرمی کرنے جا رہی ہے۔
یاد رہے کہ گزشتہ روز وزیراعلیٰ پنجاب عثمان بزدار کی زیرصدارت اعلیٰ سطح اجلاس ہوا جس میں 9 مئی سے لاک ڈائون میں نرمی کا فیصلہ کیا گیا۔
ذرائع کے مطابق پائپ،سٹیل،سپیئر پارٹس اور مشینری، الیکٹرونکس کی دکانیں کھولنے کا فیصلہ کیا گیا ہے، اس کے علاوہ ٹیکسٹائل انڈسٹری، کنسٹریکشن انڈسٹری اور گلاس مینوفیکچرز کی دکانیں بھی کھولی جائیں گی۔ذرائع کا کہنا تھا کہ اجلاس میں صوبے میں 15 رمضان سے کپڑے کی دکانیں 6 گھنٹے کے لیے کھولنے کا فیصلہ کیا گیا، پارکس کو بھی کھولا جائے گا لیکن پارکس میں لگے جھولے بند رہیں گے۔
https://dailypakistan.com.pk/06-May-2020/1129296?fbclid=IwAR06AOUh6ueCiV72I32jjtsTatYpz3kx6
ZppeUBBdct1G3juS2Go5PfQdPs
نیویارک (ویب ڈیسک) کورونا سے نیویارک میں مسلمانوں کی بھی بڑی تعداد میں اموات ہورہی ہیں۔ امریکی اخبار کے مطابق صرف بروکلین کے الریان مسلم فیونرل سروسز سینٹر میں روزانہ کم سے کم 15 افراد کی تجہیز و تکفین کے انتظامات کیے جارہے ہیں۔
اخبار کے مطابق صبح سے شام تک مختلف اوقات میں ٹرک سے لاشیں اتاری جاتی ہیں اور تجہیز و تکفین کے بعد تدفین کے لیے بھیج دی جاتی ہیں، کورونا وبا سے پہلے یہاں لائی جانیوالی میتوں کی تعداد ایک ماہ میں 20 سے 30 ہوا کرتی تھی، جاں بحق افراد میں سے زیادہ تر کا تعلق پاکستان اور بنگلادیش سے ہے اور ان میں سے کئی کے لواحقین آبائی ممالک میں ہیں۔
اخبار کے مطابق پچھلے دو ماہ میں اس مرکز نے دو سو افراد کی تدفین کی ہے، جن میں سے زیادہ تر کورونا وبا سے جاں بحق ہوئے تھے۔
https://dailypakistan.com.pk/06-May-2020/1129280?fbclid=IwAR1jtApsA9JbGKBszmAQ8exa9Ct8s
tW5_m61O09NXDPbaaLhsH4tT4fzVUE
کراچی (ویب ڈیسک) پاکستان میں کورونا وائرس کے علاج کیلئے پلازمہ تھراپی کا پہلا تجربہ، یہ تجربہ حیدر آباد کے ایک عمر رسیدہ شخص میں کورونا وائرس کی تشخیص کے بعد ان کی حالت مسلسل خراب ہو نے کے بعد کیا۔
جیو نیوز کے مطابق ڈاکٹروں نے انھیں وینٹیلیٹر پر منتقل کیا تاکہ وہ باآسانی سانس لے سکیں۔اس دوران ان کی ڈاکٹر بیٹی نے ہسپتال کے حکام سے گزارش کی کہ ان کے والد کا علاج پلازمہ تھراپی کے ذریعے کیا جائے۔ ڈاکٹروں نے ان کی درخواست قبول کر لی اور اب وہ پاکستان میں کووڈ 19 کے پہلے ایسے مریض بن گئے ہیں جن کے علاج کے لیے پلازمہ تھراپی کا تجربہ کیا جا رہا ہے۔
بی بی سی کے مطابق حیدر آباد کے لیاقت یونیورسٹی ہسپتال میں کورونا وائرس سے متعلق فوکل پرسن ڈاکٹر آفتاب نے اس کی تصدیق کرتے ہوئے کہا ہے کہ 53 سالہ اس مریض کو ایسے شخص کے خون کا پلازما منتقل کیا گیا ہے جو کورونا وائرس سے صحتیاب ہو چکا ہے۔انھوں نے کہا کہ مریض کے اہلخانہ نے ’رضاکارانہ طور پر خود کو اس تجربے کے لیے پیش کیا ہے۔‘پیسِو امیونائزیشن کے اسی طریقہ علاج کو ’پلازما تھیراپی‘ یا کونوالیسنٹ پلازما کا نام دیا گیا ہے۔
دنیا کے کئی ممالک میں کووڈ 19 کے مریضوں کے علاج کے لیے یہ طریقہ اپنایا جا رہا ہے جس کی کامیابی سے متعلق تاحال کوئی حتمی نتائج سامنے نہیں آئے ہیں۔ڈاکٹر آفتاب کہتے ہیں کہ مریض کو اس تھراپی سے کوئی فرق آیا ہے یا نہیں، اس بارے میں فی الحال کچھ نہیں کہا جا سکتا۔’عام حالات میں بھی اس سے بہتری کا عمل بہت سست ہوتا ہے۔ امید ہے کہ چند روز میں کچھ سمجھ آئے گی، ابھی ان کی مسلسل مانیٹرنگ کی جا رہی ہے۔
https://dailypakistan.com.pk/06-May-2020/1129270?fbclid=IwAR3mroaSI2bQAykXThZnHey5ErWkIA
fhpLoVXQioXWxrgAwr1RFjBApEyzg
اسلام آباد ( ویب ڈیسک) پاکستان میں ایسے بھی اضلاع ہیں جہاں کورونا وائرس کے مہلک اثرات مرتب نہیں ہو ئے۔
روزنامہ جنگ کے مطابق بلوچستان کے 34 فیصد علاقے جن میں دور دراز کے درجن بھر اضلاع شامل ہیں اس وبا سے محفوظ ہیں۔جبکہ پورے ملک میں ہر روز کورونا وائرس کے متاثرین کی تعداد میں ریکارڈ اضافہ دیکھنے میں آرہا ہے۔ مذکورہ اضلاع کی آبادی تقریباَ 60 لاکھ ہے اور یہ ملک کے پسماندہ ترین علاقے شمار ہو تے ہیں۔
صوبائی حکام کے مطابق قدرتی طور پر پہلے ہی سے موجود سماجی دوریاں اور بین الصوبائی ٹرانسپورٹ پر پابندی کی وجہ سے ان علاقوں میں کورونا وائرس نہیں پھیلا۔ تاہم جب تشخیص کی سہولت بلوچستان میں بھی دستیاب ہو گی تو کیسز سامنے آنے کا خدشہ ہے۔ پاکستان میں باقی 141 کے مقابلے میں 15 اضلاع کورونا وائرس کے مرکز سمجھے جا تے ہیں۔ جہاں 21,600 افراد میں کورونا وائرس کا پہلا ہے جبکہ 60 اضلاع میں 500 سے زائد افراد جاں بحق ہوئے ہیں۔
دستیاب سرکاری اعداد و شمار کے مطابق بلوچستان میں کورونا وائرس سے آزاد اضلاع میں آواران ، بارکھان ، ڈیرہ بگٹی ، گوادر ، کیچ ، خضدار ، کلہ سیف اللہ ، کوہلو ، لہڑی ، ڈیرہ مراد جمالی ، چھتر ، با با کوٹ عزیز آباد اور نصیر آباد ہیں جن کی آبادی 6 لاکھ بنتی ہے۔ ٓآزاد کشمیر میں ہٹیاں اور حویلی شامل ہیں۔پاکستان کے سب سے زیادہ متاثر 15 اضلاع میں کراچی ، سکھر ، حیدر آباد اور خیر پور شامل ہیں ، کراچی میں پانچ ہزار سے زائد کورونا وائرس کیسز کی تصدیق ہوئی ہے۔
https://dailypakistan.com.pk/06-May-2020/1129278?fbclid=IwAR03rp1qoe7jZw3bxRJBGXGTPrF_To
LXsC4OukaJw07VGBlmSiKh-qKZtAw
اسلام آباد(ڈیلی پاکستان آن لائن)کورونا وائرس نے اس وقت پوری دنیا کو اپنی لپیٹ میں لے رکھا ہے جبکہ گزشتہ چوبیس گھنٹوں میں پاکستان میں ایک روز میں اب تک کی سب سے زیادہ 40 اموات ہوئی ہیں جس کے بعد وائرس سے جاں بحق ہونے والوں کی تعداد 526 ہو گئی ہےاور متاثرہ افراد کی تعداد 22 ہزار 550 تک پہنچ گئی ہے دنیا بھر میں کورونا سے متاثرہ افراد کی تعداد 37 لاکھ سے تجاوز کر گئی۔
نیشنل کمانڈ اینڈ آپریشن سنٹر کی جانب سے جاری کردہ تازہ اعداد و شمار کے مطابق پاکستان میں گزشتہ 24 گھنٹوں کے دوران 1,049 افراد میں کورونا وائرس کی تصدیق اور 40 اموات رپورٹ ہوئی ہیں۔ملک میں کورونا وائرس کے 6 ہزار 217 مریض صحت یاب ہو چکے ہیں۔
سندھ میں کورونا کے اب تک 8 ہزار 189 کیسز رپورٹ ہوئے ہیں۔ پنجاب 8 ہزار 420، خیبرپختونخوا 3,499، بلوچستان 1,495، اسلام آباد 485، آزاد کشمیر 76 اورگلگت بلتستان میں 386 افراد میں وائرس کی تصدیق ہوئی ہے۔
خیبرپختونخوا میں کورونا وائرس سے سب سے زیادہ 194 اموات ہوئی ہیں۔ سندھ میں 148، پنجاب میں 156، بلوچستان 21، اسلام آباد 04 اور گلگت بلتستان میں کورونا سے 3 افراد جاں بحق ہوئے۔آزاد کشمیر میں کورونا وائرس کا شکار کوئی بھی مریض لقمہ اجل نہیں بنا۔
نیشنل کمانڈ اینڈ آپریشن سنٹر کی جانب سے جاری کردہ تازہ اعداد و شمار کے مطابق ملک میں کورونا وائرس کے 143 مریضوں کی حالت تشویشناک ہے۔گزشتہ 24 گھنٹوں کے دوران ملک بھر میں 10 ہزار 178 ٹیسٹ کیے گئے جبکہ کل 2 لاکھ 32 ہزار 582 ٹیسٹ لیے جا چکے ہیں۔
پاکستان میں کورونا وائرس کو سامنے آئے 2 ماہ سے زائد عرصہ بیت چکا ہے، ابتدا میں کیسز میں اضافے کی رفتار سست تھی لیکن اب اس میں تیزی سے اضافہ دیکھنے میں آیا ہے۔
جبکہ کورونا وائرس کے سبب دنیا بھر میں ہلاکتوں کی تعداد 2 لاکھ 58 ہزار 326 جبکہ اس وائرس سے 37 لاکھ 27 ہزار 3 سو چھبیس افراد متاثر ہو چکے ہیں۔دنیا بھر میں کورونا سے متاثرہ افراد میں سے 12 لاکھ 41 ہزار سے زائد افراد صحت یاب بھی ہو چکے ہیں.
امریکہ میں کورنا وائرس سے مزید 1,396 افراد موت کے منہ میں چلے گئے جس کے بعد امریکہ میں اموات کی تعداد 72 ہزار 271 سے تجاوز کر گئی ہے۔امریکہ میں متاثرہ افراد کی تعداد 12 لاکھ 37 ہزار سے زائد ہو گئی ہے جبکہ صحتیاب ہونے والوں کی تعداد 2 لاکھ چھ سو سے زائد ہو گئی۔
برطانیہ میں کورونا سے مزید 693 افراد کی موت کے بعد اب تک مرنے والوں کی تعداد 29 ہزار 427 سے تجاوز کر گئی جبکہ متاثرہ افراد کی تعداد ایک لاکھ 94 ہزار سے زائد ہے۔سپین میں بھی گزشتہ 24 گھنٹے کے دوران مزید 185 افراد کی اموات کے بعد اب تک ہلاک ہونے والے افراد کی تعداد 25 ہزار 613 ہوگئی اور متاثرہ افراد کی تعداد 2 لاکھ 50 ہزار سے بڑھ گئی ہے۔
اٹلی میں کورونا وائرس نے مزید 236 افراد کی جان لے لی جہاں اب تک ہونے والی اموات 29 ہزار 315 ہو گئیں۔ اٹلی میں کورونا سے متاثرہ افراد کی تعداد 2 لاکھ 13 ہزار سے زائد ہے۔فرانس میں بھی کورونا نے مزید 330 افراد کی جان لے لی۔ فرانس میں مرنے والوں کی تعداد 25 ہزار 531 سے زائد ہو گئی اور متاثرہ افراد کی تعداد ایک لاکھ 70 ہزار سے تجاوز کر گئی۔
جرمنی میں بھی کورونا سے اموات کا سلسلہ جاری ہے اب تک ہونے والی اموات کی تعداد 6 ہزار 993 سے بڑھ گئی ہے جب کہ کورونا کے مریضوں کی تعداد 1 لاکھ 67 ہزار سے تجاوز کر گئی ہے۔ترکی میں بھی کورونا کے وار جاری ہیں۔ گزشتہ 24 گھنٹے کے دوران مزید 59 افراد موت کے منہ میں چلے گئے جس کے بعد اموات کی تعداد 3 ہزار 5 سو سے تجاوز کر گئی۔ایران میں کورونا نے مزید 63 افراد کی جان لے لی جس کے بعد ایران میں کورونا سے اب تک 99 ہزار970 افراد متاثر ہوئے اور ہلاکتوں کی تعداد 6 ہزار تین سو سے بڑھ گئی ہے۔
https://dailypakistan.com.pk/06-May-2020/1129252?fbclid=IwAR0dKmM4wtNtEWEgLAENuGABgU
uK_u8j7Y5DdosrChvQp0JB09jUQwTMe0A
واشنگٹن (ڈیلی پاکستان آن لائن )امریکا میں کورونا وائرس کی تباہ کاریاں مسلسل جاری ہیں اور گزشتہ 24 گھنٹے کے دوران مزید 2350 افراد ہلاک ہو گئے ہیں ۔
جونز ہاپکنز یونیورسٹی کے اعداد و شمار کے مطابق امریکا میں کورونا سے ہلاک شدگان کی تعداد 72 ہزار 271 ہو گئی ہے جب کہ مریضوں کی مجموعی تعداد 13 لاکھ 37 ہزار سے زائد ہو چکی ہے۔امریکی میڈیا کے مطابق مزید 92 امریکی فوجی کورونا سے متاثر ہو گئے ہیں جس کے بعد ملک میں وبا سے متاثرہ امریکی فوجیوں کی تعداد 7 ہزار 526 ہو گئی ہے۔
صرف نیویارک کی ریاست میں کورونا وائرس کے 3 لاکھ 30 ہزار مریض سامنے آ چکے ہیں جب کہ کورونا سے ہلاک ہونے والے افراد کی تعداد 25 ہزار 204 ہو چکی ہے۔گزشتہ روز یومیہ ہلاکتوں میں ریاست پنسلوینیا سب سے آگے نکل گئی جہاں ایک ہی دن میں 346 افراد کورونا سے ہلاک ہو گئے جب کہ نیو جرسی میں مزید 341 افراد کورونا کے باعث جان سے گئے جہاں کورونا مریضوں کی تعداد ایک لاکھ 31 ہزار سے تجاوز کر چکی ہے۔
اس کے علاوہ میساچوسٹس میں 70 ہزار اور ریاست الی نوائے میں تقریباً 66 ہزار افراد کورونا سے متاثر ہو چکے ہیں جب کہ کیلی فورنیا، پنسلوینیا، مشی گن، فلوریڈا، ٹیکساس اور کنیٹی کٹ میں بھی صورت حال خراب ہے۔امریکا اب تک 77 لاکھ کورونا ٹیسٹ کر چکا ہے جو اس کی کل آبادی کا دو اعشاریہ تین فی صد بنتا ہے۔
https://dailypakistan.com.pk/06-May-2020/1129268?fbclid=IwAR0-fQLYsFNJiawRS_nr-bOz8jdBuJFctRa2nvcK-UnNugzlin4xOZ5kaIQ
لاہور (ڈیلی پاکستان آن لائن) وزیر صحت پنجاب ڈاکٹر یاسمین راشد نے خدشہ ظاہر کیا ہے کہ لاہور کورونا وائرس کا ایپی سنٹر (مرکز) ہوسکتا ہے۔
نجی ٹی وی جیو نیوز کے پروگرام میں گفتگو کرتے ہوئے ڈاکٹر یاسمین راشد نے کہا کہ اس وقت سارے اضلاع کی کورونا کی علامات والے افراد کی سیمپلنگ کر رہے ہیں، پہلے 6 اضلاع کی سیمپلنگ کی جارہی ہے جس میں لاہور بھی شامل ہے۔
انہوں نے بتایا کہ لاہور ضلع کے اندر منگل کے دن تک 2 ہزار 953 کیسز آئے ہیں، ان میں سے 700 سے زائد لوگ صحتیاب ہو کر گھروں کو جاچکے ہیں لیکن یہاں کیسز کی تعداد بڑھ رہی ہے۔ لاہور آنے والے دنوں میں کورونا وائرس کا مرکز ہوسکتا ہے۔
ڈاکٹر یاسمین راشد نے بتایا کہ سمارٹ لاک ڈاؤن کا مطلب ہے کہ جن علاقوں میں کیسز کی تعداد زیادہ ہوگی وہاں سختی کی جائے گی اور جہاں کیسز کم ہوں گے وہاں لاک ڈاؤن میں نرمی کی جائے گی تاکہ لوگ اپنے کاروبار بھی کرسکیں۔
https://dailypakistan.com.pk/05-May-2020/1128926?fbclid=IwAR2rlEuBdDE31q--1B1Ul7iDTpl2c4pybdCJ_TnFXipoeQYLhy67gInV_0g
کراچی (ڈیلی پاکستان آن لائن) وزیر صحت سندھ ڈاکٹر عذرا فضل پیچوہو کا کہنا ہے کہ کورونا وائرس میں مبتلا مریض بالکل آخری وقت میں ہسپتال آرہے ہیں جس کی وجہ سے پیچیدگیاں پیدا ہورہی ہیں۔
اپنے ایک پیغام میں ڈاکٹر عذرا فضل پیچوہو نے کہا کہ کورونا کے مریضوں کو جب بہت زیادہ سانس کا مسئلہ ہوتا ہے تو ہی وہ ہسپتال آتے ہیں، لوگوں کو اس بیماری کو چھپانا نہیں چاہیے کیونکہ یہ عوام کے تحفظ کا معاملہ ہے۔
انہوں نے کہا کہ دمہ ، شوگر یا بلڈ پریشر کے امراض میں مبتلا مریضوں کو فوری طور پر ہسپتال پہنچا چاہیے، ایسا نہیں ہے کہ ہسپتالوں میں مریضوں کیلئے بستر نہیں ہیں، ہسپتالوں میں مریضوں کیلئے تعداد سے زیادہ بستر اور وینٹی لیٹرز موجود ہیں۔
انہوں نے بتایا کہ کراچی میں ڈاؤ، اوجھا، انڈس، آغا خان، جی پی ایم سی ، سول، ٹراما سینٹر اور ایس آئی یو ٹی میں کرونا وائرس کے مریضوں کا علاج جاری ہے اور انہیں بہترین سہولیات فراہم کی جارہی ہیں۔
https://dailypakistan.com.pk/05-May-2020/1128920?fbclid=IwAR3G8yhX1ijkQhkS31cxhETawSjloiuIw
ZsHZGOhpLIPMNgI4ysND2DhLBc
ولنگٹن(مانیٹرنگ ڈیسک) چین کے بعد نیوزی لینڈ نے بھی کورونا وائرس کے خلاف بے مثال فتح حاصل کر لی۔ نیوزی لینڈ ہیرالڈ کے مطابق ملک میں گزشتہ 2دن سے کورونا وائرس کا کوئی ایک بھی کیس سامنے نہیں آیا۔وزیراعظم جیسنڈرا آرڈرن کا اس حوالے سے کہنا ہے کہ ”مسلسل دو دن تک کوئی ایک کیس بھی سامنے نہ آیا اس بات کا ثبوت ہے کہ اس وباءکے خلاف ہماری کوششیں رنگ لے آئی ہیں اور ہم اپنی اس جیت پر فخر کر سکتے ہیں۔“
وزیراعظم آرڈرن کا کہنا تھا کہ ”اگرچہ ہم یہ جنگ جیت چکے ہیں لیکن اس وائرس کے پھیلاﺅ کی تیزی کو دیکھتے ہوئے میں اپنے عوام کو ہدایت کروں گی کہ ہمیں اس کے متعلق ابھی کمر نہیں کھولنی اور اسی طرح احتیاط کرتے رہنا ہے۔ عوام کو کوئی بھی ایسا کام نہیں کرنا چاہیے جس کی وجہ سے یہ جیتی ہوئی جنگ ہم ہار جائیں۔“ واضح رہے کہ نیوزی لینڈ میں کورونا وائرس کے مریضوں کی مجموعی تعداد 1ہزار486 ہے جن میں سے 1300صحت مند ہو کر گھر جا چکے ہیں جو کل تعداد کا 88فیصد ہیں۔ اس وقت ملک میں 184 مریض موجود ہیں جن میں سے صرف 4ہسپتالوں میں ہیں۔
https://dailypakistan.com.pk/05-May-2020/1128907?fbclid=IwAR2IfhKcTg1KTHtamp2oykP7JnzZSo8
rNZuN3GTxCjRktSUXmlfIi9GcTPc
ریاض (ڈیلی پاکستان آن لائن) سعودی عرب میں کورونا وائرس کے مثبت کیسز کی تعداد پاکستان سے کہیں زیادہ ہے لیکن اس وبا کی وجہ سے ہونے والی ہلاکتیں وطن عزیز سے کہیں کم ہیں۔
جوہن ہوپکنز یونیورسٹی کے مطابق منگل کے روز سعودی عرب میں کورونا کے ایک ہزار 595 نئے کیسز سامنے آئے ہیں جس کے بعد مملکت میں کورونا سے متاثرہ افراد کی مجموعی تعداد 30 ہزار 251 ہوگئی ہے۔ دوسری جانب پاکستان میں اب تک 22 ہزار 49 لوگوں میں کورونا وائرس کی تصدیق ہوئی ہے۔
سعودی عرب میں منگل کے روز کورونا کی وجہ سے 9 افراد جاں بحق ہوئے جس کے بعد مملکت میں وبا کی نذر ہونے والوں کی تعداد 200 ہوگئی ہے۔
سعودی عرب میں پاکستان سے لگ بھگ 8 ہزار زائد کیسز سامنے آتے ہیں لیکن ہلاکتوں کی تعداد پاکستان سے آدھی سے بھی کم ہے۔ سعودی عرب میں کورونا کی وجہ سے 200 جبکہ پاکستان میں 514 افراد جاں بحق ہوچکے ہیں۔
https://dailypakistan.com.pk/05-May-2020/1128923?fbclid=IwAR3_6e6Lgb4UvCucVGbQnZEY2ekU
T1I29QAYTdmZTrS0gPr7iVOBsVKVFXI
انقرہ (ڈیلی پاکستان آن لائن) یورپی ممالک کی طرح ترکی میں بھی کورونا وائرس کی تباہ کاریوں کا سلسلہ جاری ہے۔
ترکی میں اب تک ایک لاکھ 29 ہزار 491 افراد میں کورونا وائرس کی تصدیق ہوچکی ہے۔ مسلمان ممالک میں کورونا کے مثبت کیسز کے اعتبار سے ترکی نے ایران کو بھی پیچھے چھوڑ دیا اور پہلے نمبر پر آگیا ہے۔ مجموعی طور پر ترکی کورونا سے متاثرہ ممالک کی فہرست میں آٹھویں نمبر پر ہے۔
ورلڈ او میٹرز کے مطابق ترکی میں منگل کے روز کورونا کے باعث 59 افراد جان کی بازی ہارے ہیں جس کے بعد ترکی میں کورونا کی وجہ سے مرنے والے افراد کی مجموعی تعداد 3 ہزار 520 ہوگئی ہے۔
ترکی میں کورونا سے صحتیاب ہونے والے افراد کی تعداد کا تناسب دیگر ممالک کی نسبت بہتر ہے۔ یہاں اب تک 73 ہزار 285 افراد کورونا کی وبا سے صحتیاب ہوچکے ہیں جبکہ 52 ہزار 686 لوگ ایسے ہیں جو ابھی تک کورونا کے چنگل میں پھنسے ہوئے ہیں۔ ان میں سے ایک ہزار 338 افراد ایسے ہیں جن کی حالت تشویشناک ہے۔
https://dailypakistan.com.pk/05-May-2020/1128921?fbclid=IwAR1xLuIF9kZtz8e8FZ_u_dOHrMId3o
LV4CP5kIPn9RKJarZlP0X3X2qFwI
کراچی (ڈیلی پاکستان آن لائن) شہر قائد کے جناح ہسپتال میں بدھ کے روز سے کورونا کے مریضوں کی پلازمہ تھراپی شروع کرنے کا فیصلہ کرلیا گیا ہے۔
ماہر امراض خون ڈاکٹر طاہر شمسی کے مطابق جناح ہسپتال میں پہلی بار پلازمہ تھراپی کا کلینیکل ٹرائل شروع ہونے جارہا ہے، ایک مریض کو 4 گھنٹے میں پلازمہ لگادیا جائے گا ، آئندہ چند روز میں پلازمہ پیسیو امیونائزیشن تھراپی بھی شروع کردی جائے گی۔
کورونا کے مریضوں کی پلازمہ تھراپی کے حوالے سے این آئی بی ڈی اور جناح ہسپتال میں مفاہمت کی یاد داشت پر دستخط کردیے گئے ہیں۔ ڈاکٹر طاہر شمسی کا کہنا ہے کہ پلازمہ لگنے کے بعد 2 سے 4 دن میں کورونا کے مریض کی حالت میں بہتری آنا شروع ہوجائے گی۔
https://dailypakistan.com.pk/05-May-2020/1128917?fbclid=IwAR2PuRxh2bY2YiswGsHH2xfdy6lwty
2-4CCxLSbA3itUtfYWxbFVhLv0GU4
https://www.roznama92news.com/backend/web/uploads/epaper/3/2020/05/06052020/bp-isb-002.jpg
https://www.roznama92news.com/backend/web/uploads/epaper/3/2020/05/06052020/bp-isb-008.jpg
https://www.roznama92news.com/backend/web/uploads/epaper/3/2020/05/06052020/p7-isb013.jpg
https://www.roznama92news.com/backend/web/uploads/epaper/3/2020/05/06052020/p7-isb014.jpg
https://www.roznama92news.com/backend/web/uploads/epaper/2/2020/05/06052020/P6-Lhr-037.jpg
https://www.roznama92news.com/backend/web/uploads/epaper/2/2020/05/06052020/P6-Lhr-038.jpg
https://www.roznama92news.com/backend/web/uploads/epaper/3/2020/05/06052020/fp-isb-020.jpg
https://www.roznama92news.com/backend/web/uploads/epaper/3/2020/05/06052020/fp-isb-018.jpg
https://www.roznama92news.com/backend/web/uploads/epaper/2/2020/05/06052020/P6-Lhr-024.jpg
https://www.roznama92news.com/backend/web/uploads/epaper/2/2020/05/06052020/P6-Lhr-026.jpg
https://www.roznama92news.com/backend/web/uploads/epaper/2/2020/05/06052020/P6-Lhr-012.jpg
https://www.roznama92news.com/backend/web/uploads/epaper/2/2020/05/06052020/P5-Lhr-004.jpg
https://www.roznama92news.com/backend/web/uploads/epaper/2/2020/05/06052020/P5-Lhr-009.jpg
https://www.roznama92news.com/backend/web/uploads/epaper/2/2020/05/06052020/P1-LHR035.jpg
https://www.roznama92news.com/backend/web/uploads/epaper/2/2020/05/06052020/P1-LHR010.jpg
https://www.roznama92news.com/backend/web/uploads/epaper/2/2020/05/06052020/P1-LHR013.jpg
https://www.roznama92news.com/backend/web/uploads/epaper/2/2020/05/06052020/P1-LHR030.jpg
https://www.roznama92news.com/backend/web/uploads/epaper/2/2020/05/06052020/P1-LHR038.jpg
https://www.roznama92news.com/backend/web/uploads/epaper/2/2020/05/06052020/P1-LHR040.jpg
https://www.roznama92news.com/backend/web/uploads/epaper/2/2020/05/06052020/P1-LHR043.jpg
.jpg)
https://www.roznama92news.com/backend/web/uploads/epaper/2/2020/05/06052020/P2-LHR001-(29).jpg
.jpg)
https://www.roznama92news.com/backend/web/uploads/epaper/2/2020/05/06052020/P2-LHR001-(13).jpg
.jpg)
https://www.roznama92news.com/backend/web/uploads/epaper/2/2020/05/06052020/P2-LHR001-(5).jpg
.jpg)
https://www.roznama92news.com/backend/web/uploads/epaper/2/2020/05/06052020/P2-LHR001-(33).jpg
https://www.roznama92news.com/backend/web/uploads/epaper/2/2020/05/06052020/P3-Lhr-001.jpg
https://www.roznama92news.com/backend/web/uploads/epaper/2/2020/05/06052020/P1-LHR006.jpg
https://www.roznama92news.com/backend/web/uploads/epaper/2/2020/05/06052020/P1-LHR018.jpg
https://www.roznama92news.com/backend/web/uploads/epaper/2/2020/05/06052020/P1-LHR019.jpg
https://www.express.com.pk/epaper/PoPupwindow.aspx?newsID=1107411816&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411830&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411862&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411863&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411890&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411919&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411926&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411986&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411977&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411979&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411981&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411987&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411988&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411989&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411990&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107411991&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107412016&Issue=NP_PEW&Date=20200506
https://www.express.com.pk/epaper/PoPupwindow.aspx?newsID=1107412003&Issue=NP_PEW&Date=20200506
https://e.dunya.com.pk/detail.php?date=2020-05-06&edition=KCH&id=5169984_18624424
https://e.dunya.com.pk/detail.php?date=2020-05-06&edition=KCH&id=5169985_63583825
https://e.dunya.com.pk/detail.php?date=2020-05-06&edition=KCH&id=5170008_73516131
https://e.dunya.com.pk/detail.php?date=2020-05-06&edition=KCH&id=5169600_48345749
https://e.dunya.com.pk/detail.php?date=2020-05-06&edition=KCH&id=5169799_19439980
Daily Roznama 92
https://www.roznama92news.com/backend/web/uploads/epaper/2/2020/05/05052020/P6-Lhr-036.jpg
کراچی (ویب ڈیسک) کراچی کا پہلا پولیس اہلکار کورونا وائرس سے لڑتے ہوئے شہید ہوگیا۔ پولیس حکام کے مطابق کچھ روز قبل ایس ایس پی سٹی آفس میں اہلکاروں کا کورونا ٹیسٹ کرایا گیا تو اس دوران اسسٹنٹ سب انسپکٹر (اے ایس آئی) انور سمیت کچھ اہلکاروں کا کورونا ٹیسٹ مثبت آیا تھا۔
ٹیسٹ نتائج مثبت آنے کے بعد اے ایس آئی انور سیلف آئسولیشن میں چلے گئے تھے تاہم گزشتہ روز ان کا انتقال ہوگیا جس کے بعد ان کی تدفین بلدیہ ٹائون میں واقع قبرستان میں کردی گئی۔پولیس کے مطابق اے ایس آئی انور ایس ایس پی سٹی آفس میں وائرلیس آپریٹر تعینات تھے اور ڈاکس میں واقع پولیس ہیڈکوارٹر میں مقیم تھے۔
https://dailypakistan.com.pk/05-May-2020/1128859?fbclid=IwAR1UdXGDowoBDyvvkbCPdx6rqJj6
CXt9DpRcSVpemwetyYesjg_rDAldJts
لندن(ڈیلی پاکستان آن لائن) کورونا وائرس سے دنیا بھر میں ہلاکتوں کا خوفناک سلسلہ تاحال تھم نہیں سکا۔ دنیا بھرمیں ڈھائی لاکھ سے زائد افراد اس موذی وائرس کی بھینٹ چڑھ چکے ہیں۔ امریکا کے بعد برطانیہ دنیا میں سب سے زیادہ ہلاکتوں والا ملک بن چکا ہے جہاں ہلاکتوں کی مجموعی تعداد تیس ہزار سے تجاوز کرچکی ہے۔
برطانیہ سے قبل کورونا وائرس نے امریکا کے بعد سے سب سے زیادہ جانیں اٹلی میں نگلی تھیں جہاں 29 ہزار سے زائد افراد لقمہ اجل بنے تاہم اب برطانوی خبررساں ادارے کے مطابق برطانیہ امریکا کے بعد دوسرا اور یورپ میں سب سےزیادہ ہلاکتوں والا ملک بن چکا ہے جہاں ہلاکتوں کی تعداد 30ہزار سے تجاوز کرگئی ہے۔
رپورٹ کے مطابق برطانیہ میں وائرس سے متاثرہ افراد کی کل تعداد ایک لاکھ اکانوے ہزار سے بھی بڑھ گئی ہے۔
دوسری جانب اٹلی، سپین اور فرانس میں ہلاکتوں میں کمی واقع ہوئی ہے اور یورپ اب لاک ڈاؤن میں نرمی کے ساتھ وائرس سے مقابلے کے لیے ایک نئے مرحلے میں داخل ہوگیا ہے۔
واضح رہے دنیا بھر میں کورونا کے مصدقہ مریضوں کی تعداد 35 لاکھ سے تجاوز کر گئی ہے جبکہ ہلاکتوں کی مجموعی تعداد دو لاکھ 51 ہزار سے زیادہ ہے۔
دنیا بھر میں کورونا وائرس سے صحتیاب ہونے والوں کی تعداد 11 لاکھ سے زیادہ ہے۔
اقوام متحدہ کے سیکرٹری جنرل انتونیو گئیٹریس نے مزید ممالک سے اپیل کی ہے کہ وہ کورونا وائرس کی ویکسین کے لیے تحقیق اور اس کی تقسیم کے لیے امداد دیں۔
https://dailypakistan.com.pk/05-May-2020/1128873?fbclid=IwAR0pWz2Fbo9HJ_LVNKFiY6Tej03BC
JnhhP3SBrSTuoxhSqQjxJ5oWNqeTo
لاہور (ڈیلی پاکستان آن لائن) چین سے پوری دنیا میں پھیلنے والی موذی وباءکورونا وائرس کے باعث پاکستان میں ٹورڈی خنجراب انٹرنیشنل سائیکل ریس ملتوی کر دی گئی ہے۔
تفصیلات کے مطابق ٹور ڈی خنجراب سائیکل ریس 18 سے 21 جون تک منعقد ہونی تھی جس میں سری لنکا، افغانستان، نیپال، ایران اور بھوٹان کے سائیکلسٹ کو بھی شرکت کرنی تھی تاہم کورونا وائرس کے پھیلاؤے خدشے کے سبب اب اس ایونٹ کا انعقاد ممکن نہیں۔
سائیکلنگ فیڈریشن کے صدر سید اظہر علی شاہ کے مطابق انٹرنیشنل سائیکلنگ یونین کے احکامات کی روشنی میں ریس ملتوی کی گئی ہے کیونکہ کورونا وائرس کے باعث انٹرنیشنل سائیکلنگ یونین نے تمام ایونٹس ملتوی کرنے کا اعلان کر رکھا ہے۔
https://dailypakistan.com.pk/05-May-2020/1128882?fbclid=IwAR2_KcZYCE--Xo4hZh7Rm-yeKezr7c1qCVdoKbKQMYY57BD6KJkF2lqHUU4
راولپنڈی(ڈیلی پاکستان آن لائن ) محکمہ ریلوے نے 10 مئی سے مسافر ٹرینیں بحال کرنے کا نوٹیفکیشن جاری کردیا ہے ۔
ریلوے ہیڈ کوارٹر کی جانب سے جاری حکم نامے کے مطابق ریلوے پسینجر ٹرین آپریشن 10 مئی سے بحال کیا جارہا ہے، ٹرینیں سخت ایس او پیز اور کورونا سے بچاو¿ کے حفاظتی اقدامات کے ساتھ چلائی جائیں گی۔مجاز اتھارٹی سے اجازت ملنے پر12 ٹرینیں 10 مئی سے چلنا شروع ہونگی، ہر ٹرین کی 50 فیصد بکنگ ہوگی اور پچاس فیصد ٹرین خالی ہوگی، ٹرینوں کی بکنگ 7 مئی سے آن لائن شروع کی جائے گی۔
ریلوے اسٹیشنز پر ریلوے پولیس اور عملہ تعینات ہوگا جبکہ سماجی فاصلے پر سختی سے عملدرآمد کرایا جائے گا۔ راولپنڈی سے 6 اور پشاور سے تین ٹرینیں چلیں گی جبکہ تین تین ٹرینیں لاہور اور کراچی سے چلیں گی۔پشاور سے عوام، رحمن بابا اور جعفر ایکسپریس چلیں گی، راولپنڈی سے تیزگام، گرین لائن اور پاکستان ایکسپریس چلیں گی، لاہور ریل کار اور مہر ایکسپریس صبح شام چلائی جائیں گی۔
https://dailypakistan.com.pk/05-May-2020/1128884?fbclid=IwAR0Uj0rjHkZTNK1nCRnFUGLe1zpz5y
8CUylqm8pnt-QWIDKB2C8xfx9qrqs
لاہور(ڈیلی پاکستان آن لائن)پنجاب میں کورونا سے مریضوں کی ہلاکتیں بڑھنے لگی،مزید 18 افراد کورونا وائرس سے متاثر ہو کر جاں بحق ہو گئے اس طرح پنجاب میں کورونا سے ہلاکتوں کی تعداد144 ہو گئی۔
ترجمان ہیلتھ کیئر نے کہاہے کہ پنجاب میں کورونا وائرس کے 491 نئے کیسز رپورٹ ہوئے جس کے بعدمتاثرین کی تعداد 8133 ہو گئی، ترجمان کا کہنا ہے کہ پنجاب میں کورونا وائرس سے اب تک 144 اموات ہوچکی ہیں،پنجاب میں صحتیاب افراد کی تعداد 2680 اور 25 مریض تشویشناک ہیں ۔
https://dailypakistan.com.pk/05-May-2020/1128874?fbclid=IwAR0ZPeFah6VUoruEawmZOO2-6XUge
gILKa5OQYX0oc3RXSkPzc9dZ46W40
اسلام آباد (ڈیلی پاکستان آن لائن ) لاک ڈاون کی وجہ سے چھتیس ہزار افغان مہاجرفیملیز پاکستان میں پھنس گئیں اور انہیں بھی یو این ایچ سی آر کی طرف سے بارہ ہزار روپے دیئے جائیں گے۔
انگریزی اخبار ” دی نیوز “ کی رپورٹ کے مطابق وزیرسیفران اینڈ نارکوٹکس کنٹرول شہریار خان آفریدی نے بتایا کہ یواین ایچ سی آر نے فیصلہ کیا ہے کہ پاکستان کے احساس پروگرام کی طرح ملک میں پھنسے افغان مہاجرین کی بھی ہر فیملی کو بارہ ہزار روپے ادا کیے جائیں گے، آئی 12سیکٹر میں افغان مہاجرین میں امدادی پیکجز تقسیم کرنے کی تقریب سے خطاب کرتے ہوئے شہریارآفریدی نے بتایا کہ دوسرے مرحلے میں یواین ایچ سی آر کا بارہ ہزار روپے ہر فیملی کو ادا کرنے کا منصوبہ ہے،قیام امن سے متعلق افغانستان سے اچھی خبر آرہی ہے، جلد ہی امن کے لیے بات چیت دوبارہ شروع ہوسکتی ہے، وزیراعظم عمران خان افغان مہاجرین کی مدد کے لیے ہرممکن کاوش کررہے ہیں، یہ اب اقوام عالم اور یواین ایچ سی آر پر ہے کہ پھنسے ہوئے مہاجرین کی معاونت کے لیے جلد ازجلد فنڈز مہیا کرے، وزیراعظم نے عالمی سطح پر افغان مہاجرین کی معاونت کے لیے آواز اٹھائی۔
انہوں نے اس موقع پر یواین ایچ سی آر کو فنڈز فراہم کرنے پر چین اور جاپان کی حکومت کا بھی شکریہ اداکیا، ایک سچے دوست چین نے افغا ن مہاجرین کو فوڈپیکجز فراہم کرنے کا فیصلہ کیا ہے۔
https://dailypakistan.com.pk/05-May-2020/1128864?fbclid=IwAR0T0aiI3oBnUQOgAEnbwMEtfmFOC
fA5W-O1mfW1twg1VfZxyEsQnYsjziY
واشنگٹن(ڈیلی پاکستان آن لائن)دنیا بھر میں کوروناوائرس سے سب سے زیادہ متاثرہ ملک امریکا میں گزشتہ چوبیس گھنٹوں کے دوران ہلاکتوں کے جو اعدادوشمار سامنے آئے ہیں وہ گزشتہ ایک ماہ میں سب سے کم ہیں۔ لیکن امریکا میں بیماریوں پر کنٹرول اور ان سے بچاو کے ادارے نے خدشہ ظاہر کیا ہے کہ وہاں یکم جون تک روزانہ ہلاکتوں کی تعداد سترہ سو پچاس سے بڑھ کر تین ہزار یومیہ ہوسکتی ہے۔
برطانوی نشریاتی ادارے بی بی سی کے مطابق امریکہ میں گذشتہ 24 گھنٹوں کے دوران کووڈ 19 سے مزید 1015 اموات ہوئیں جو ایک مہینے میں یومیہ ہلاکتوں کی سب سے کم تعداد ہے۔ مجموعی طور پر اس وائرس سے اب تک 69ہزار افراد ہلاک ہوچکے ہیں۔
نیویارک ٹائمز کے مطابق امریکہ میں بیماریوں پر کنٹرول اور ان سے بچاؤ کے ادارے، سی ڈی ایس کے ایک اندرونی میمو کے مطابق امریکہ میں یکم جون تک روزانہ کی بنیاد پر ہلاکتوں کی تعداد 1750 سے بڑھ کر 3000 کے قریب ہونے کا خدشہ ہے۔
اس سے قبل امریکی صدر ڈونلڈ ٹرمپ نے کہا ہے کہ امریکا میں کورونا وائرس سے ایک لاکھ افراد ہلاک ہوسکتے ہیں۔ جانز ہاپکنز یونیوسٹی کے ڈیٹا کے مطابق، اب تک وائرس سے 69 ہزار امریکی ہلاک ہو چکے ہیں۔
ورچوئل ٹاؤن ہال میں بات کرتے ہوئے، صدر ٹرمپ کا کہنا تھا کہ ہم 75 ہزار، 80 ہزار سے لے ایک لاکھ تک ہلاکتیں دیکھ سکتے ہیں۔ یہ ہولناک بات ہے۔ وائرس سے ایک بھی موت نہیں ہونی چاہئیے۔ اسے چین ہی میں روک لیا جانا چاہئیے تھا۔
تاہم انہوں نے ملک کی معیشت کو دوبارہ چالو کرنے کی فوری ضرورت پر بات کرتے ہوئے کہا کہ ہمیں معیشت کو محفوظ بناتے ہوئے مگر جتنا جلد ہو سکے بحال کرنا ہے۔
https://dailypakistan.com.pk/05-May-2020/1128848?fbclid=IwAR1A9h7sCDfI1HjXK974mtr2ATxPg2O
9uymApky_GyvEbuPHlw6rkTHbPoo
واشنگٹن/روم(ڈیلی پاکستان آن لائن)کورونا وائرس کی وجہ سے لاک ڈاون کا شکار ہونے والی دنیا کے کئی ممالک اب لاک ڈاون میں نرمی کرنے کااعلان کرچکے ہیں۔
اٹلی اور امریکا جو اس وائرس سے سب سے زیادہ متاثرہوئے ہیں وہاں بھی حکومت نے کئی علاقوں کو عام عوام کیلئے کھول دیا ہے تاہم ماسک اور سماجی دوری کی ہدایات پر عملدرآمد کرنا لازمی ہے۔
برطانوی نیوز ایجنسی رائٹرز کے مطابق جن ممالک میں لاک ڈاون میں نرمی کی گئی ہے ان میں سین، پرتگال، بیلجیم ، فن لینڈ، نائیجیریا، انڈیا، ملائیشیا، تھائی لینڈ،اسرائیل اور لبنان شامل ہیں، مذکورہ ممالک میں فیکٹریاں، پارک، حمام اور لائبریریاں کھول دی گئی ہیں۔
رپورٹ کے مطابق دنیا بھرمیں کورونا سے ہونےو الی ہلاکتوں کی شرح تیرہ فیصد سے کم ہو کر دو سے تین فیصد تک رہ گئی ہے اس لیے مختلف ممالک آہستہ آہستہ لاک ڈاون میں نرمی کی جانب بڑھ رہے ہیں۔
خیال رہےدنیا بھر میں کورونا کے مصدقہ مریضوں کی تعداد 35 لاکھ سے تجاوز کر گئی ہے جبکہ ہلاکتوں کی مجموعی تعداد دو لاکھ 51 ہزار سے زیادہ ہے۔
دنیا بھر میں کورونا وائرس سے صحتیاب ہونے والوں کی تعداد 11 لاکھ سے زیادہ ہے۔ اگر امریکا کی بات کریں تو امریکہ میں گذشتہ 24 گھنٹوں کے دوران کووڈ 19 سے مزید 1015 اموات ہوئیں جو ایک مہینے میں یومیہ ہلاکتوں کی سب سے کم تعداد ہے۔ مجموعی طور پر اس وائرس سے اب تک 68920 افراد ہلاک ہوچکے ہیں۔
نیویارک ٹائمز کے مطابق امریکہ میں بیماریوں پر کنٹرول اور ان سے بچاؤ کے ادارے، سی ڈی ایس کے ایک اندرونی میمو کے مطابق امریکہ میں یکم جون تک روزانہ کی بنیاد پر ہلاکتوں کی تعداد 1750 سے بڑھ کر 3000 کے قریب ہونے کا خدشہ ہے۔
ادھر اٹلی میں اب تک انتیس ہزار سے زیادہ افراد اس وبا کی بھینٹ چڑھ چکے ہیں، اطالوی وزیراعظم گیوسیپے کونٹے کا کہنا ہے کہ اب بھی ان کے ملک اوسطا ایک ہزار کیسز روزانہ رپورٹ ہورہے ہیں۔
https://dailypakistan.com.pk/05-May-2020/1128834?fbclid=IwAR2W3GDuUVwQx3gEAD2ln4pWtHB
wvk0dp1qm6wOscsmqsqrXnMVsiLTJWD8
لاہور(ڈیلی پاکستان آن لائن) پنجاب حکومت نے 3 ہزار فنکاروں کی مالی معاونت کرنے کا اعلان کر دیا۔
پنجاب حکومت نے لاک ڈائون کے باعث مالی مشکلات کا شکار فنکاروں کی مالی معاونت کا فیصلہ کر لیا۔ جس کے بعد وزیر اعلیٰ پنجاب عثمان بزدار نے مستحق فنکاروں کے لیے مالی امداد کے پیکج کی منظوری دے دی اور محکمہ اطلاعات و ثقافت پنجاب نے مستحق فنکاروں کے لیے مالی امداد کا پیکج تیار کر لیا۔
وزیر اعلیٰ پنجاب عثمان بزدار نے کہا کہ پنجاب حکومت 3 ہزار فنکاروں کی مالی معاونت کرے گی اور مستحق فنکاروں کو 15 سے 20 ہزار روپے تک مالی امداد دیں گے۔انہوں نے کہا کہ لاک ڈاو¿ن کے باعث دیگر طبقوں کی طرح فنکاروں کو بھی مالی مشکلات کا سامنا ہے اور تحریک انصاف کی حکومت کو فنکاروں کی مشکلات کا پورا احساس ہے۔ مستحق فنکاروں کی انتہائی شفاف طریقے سے معاونت کریں گے۔
وزیر اعلیٰ پنجاب نے کہا کہ مالی مشکلات میں گھرے فنکاروں کو تنہا نہیں چھوڑیں گے جبکہ فنکاروں کی درجہ بندی کر کے انہیں جلد سے جلد امدادی رقم فراہم کی جائے گی۔انہوں نے کہا کہ مالی امداد کوئی احسان نہیں بلکہ فنکاروں کا حق ہے۔
https://dailypakistan.com.pk/05-May-2020/1128831?fbclid=IwAR0VocIrkAxyBQTL1CEhe3R5nAXZu
8xb7jIyM2NGvljCh0HCRPo-KeINp98
برسلز(ڈیلی پاکستان آن لائن)دنیا بھر میں پھیلے کورونا وائرس پر قابو پانے کیلئے عالمی برادی، عالمی فلاحی تنظیموں اور مخیر حضرات نے سر جوڑ لیے، آن لائن اجلاس کے دوران شرکا نے کورونا پر تحقیق اور اس کی ویکسین تیارکرنے کیلئے آٹھ ارب دس کروڑ ڈالرز دینے کاوعدہ کیا ہے۔
فرانسیسی خبررساں ادارے کی رپورٹ کے مطابق کانفرنس کی میزبانی یورپی کمیشن کی سربراہ یورسلاوون ڈیر لیئین نے کی جبکہ اجلاس میں جاپان، سعودی عرب اور یورپی ممالک سمیت چالیس ملکوں کے نمائندے ، اقوام متحدہ کے ادارے،بل اینڈ میلنڈا گیٹس فاؤنڈیشن اور دیگر ارب پتی افراد شریک ہوئے۔
رپورٹ کے مطابق اجلاس میں امریکانے شرکت نہیں کی تاہم کچھ امریکی شخصیات ذاتی طور پر شریک ہوئیں جن میں میڈونا بھی شامل ہیں جنہوں نے دس لاکھ ڈالر عطیہ دینے کااعلان کیا۔
کانفرنس کا ہدف 7 ارب 50 کروڑ یورو تھا جو چند شراکت داروں کی جانب سے فنڈ کے وعدے نہ کرنے کی وجہ سے پورا ہونے سے رہ گیا البتہ اقومِ متحدہ کے سیکریٹری جنرل انتونیو گوتریس نے خبردار کیا ہے کہ مزید ضرورت پڑے گی اور یہ درکار رقم 38 ارب یورو تک ہوسکتی ہے۔
ان کا کہنا تھا کہ ’یہ فنڈز نئے آلات کی تیاری کے لیے ایک قسم کے بیعانے کی ادائیگی ہے لیکن ہر جگہ ہر کسی تک پہنچنے کے لیے ہمیں اس کی 5 گنا رقم درکار ہوگی‘۔
دوسری جانب عالمی ادارہ صحت کے سربراہ ایدھانوم گیبریئسز نے فنڈ اکھٹے کرنے کو ’عالمی یکجہتی‘ کا بھرپور مظاہرہ قرار دیتے ہوئے سراہا۔
https://dailypakistan.com.pk/05-May-2020/1128826?fbclid=IwAR2xICf2xq_bzU80SxvqpB4wteqTd
W8X1pTIZDxGfTx19QyWWRC0DeUZcc
کوئٹہ(ڈیلی پاکستان آن لائن)بلوچستان حکومت نے لاک ڈاون کے حوالے سے اہم ترین فیصلہ کرتے ہوئے اس میں مزید 15دن کی توسیع کردی ہے۔ اب صوبے میں 19مئی تک لاک ڈاون رہے گا۔
جیوز نیوز کے مطابق بلوچستان میں لاک ڈاون میں انیس مئی تک توسیع کردی گئی ہے، حکومتی اعلامیہ میں کہا گیا ہے کہ کوروناوائرس کے پھیلاو کو روکنے کیلئے صوبہ بھرمیں دفعہ 144نافذ کردی گئی ہے جبکہ آج ختم ہونے والے لاک ڈاون کو انیس مئی تک بڑھا دیا گیا ہے۔
صوبہ بھر میں بین الاضلاعی و بین الصوبائی پبلک ٹرانسپورٹ بند رہے گی، دس یا دس سے زائد افراد کے اجتماع پر پابندی ہوگی، سماجی و مذہبی تقریبات بھی نہیں ہوسکیں گی جبکہ خواتین اور بچوں کے علاوہ موٹرسائیکل پر ڈبل سواری بند رہے گی۔
اعلامیے کے مطابق صوبے کے تعلیمی ادارے بھی 31 مئی تک بند رہیں گے جب کہ شاپنگ مالز، سنیماگھر، شادی ہالز، ہوٹل، شوروم، درگاہوں اور درباروں پر آمد و رفت پر بھی پابندی رہے گی۔
لاک ڈاؤن کے دوران تعمیراتی سامان فراہم کرنی والی دکانیں وگودام، اشیاء خوردونوش کی دکانیں، زراعت سے منسلک کاروبار، پیٹرول پمپ،کال سینٹرز، غیر سرکاری و فلاحی نتظیموں کے دفاترکھولنے کی اجازت ہوگی۔
اعلامیے میں کہا گیا ہےکہ جن دکانوں، کاروباروں اور دفاتر کو کھولنے کی اجازت دی گئی ہے انہیں کورونا وائر س سے بچاؤ کی حفاظتی تدابیر اپنانے کی ہدایت کی گئی ہے۔
خیال رہے بلوچستان میں پیر کو مزید 103 افراد میں کورونا وائرس کی تشخیص ہوئی جس کے بعد صوبے میں متاثرہ افراد کی مجموعی تعداد 1321 ہوگئی ہے، صوبے میں اب تک 21 افراد کورونا وائرس سے جاں بحق ہوچکے ہیں جبکہ 197 افراد صحت یاب بھی ہوئے ہیں۔
https://dailypakistan.com.pk/05-May-2020/1128830?fbclid=IwAR0-45AnUwajGu4WBMhcsEoLm2OS
Ry8AJYcrhn72_mRXu8YBtvOApWEig7I
اسلام آباد (ڈیلی پاکستان آن لائن) پاکستان میں کورونا وائرس کے کیسز کی تعداد 21 ہزار 501 ہوگئی ہے، اس وبا کی وجہ سے اب تک پاکستان میں 486 افراد جان کی بازی ہار چکے ہیں۔
نیشنل کمانڈ اینڈ کنٹرول سنٹر کے مطابق گزشتہ 24 گھنٹوں کے دوران پاکستان میں کورونا وائرس کے 1315 کیسز سامنے آئے ہیں جس کی وجہ سے کیسز کی مجموعی تعداد 21 ہزار 501 ہوگئی ہے۔ ایک دن کے دوران پاکستان میں کورونا کے سبب 24 افراد جان کی بازی ہارے ہیں جس کی وجہ سے جاں بحق افراد کی مجموعی تعداد 486 ہوگئی ہے۔ پاکستان میں 5 ہزار 782 افراد اب تک کورونا کی وبا سے صحتیاب ہوچکے ہیں ۔ حکومت کی جانب سے کورونا کی تشخیص کیلئے ٹیسٹوں کی رفتار میں بھی اضافہ کیا گیا ہے ، ایک دن کے دوران پاکستان بھر میں 9 ہزار 857 لوگوں کے ٹیسٹ کیے گئے ہیں جس کے بعد پاکستان میں اب تک ہونے والے ٹیسٹوں کی مجموعی تعداد 2 لاکھ 22 ہزار 404 ہوگئی ہے۔
صوبوں کی صورتحال
پاکستان میں ایک بار پھر صوبہ پنجاب کورونا کے سب سے زیادہ مثبت کیسز کے ساتھ پہلے نمبر پر آگیا ہے۔ پنجاب میں اب تک 8 ہزار 103 لوگوں میں کورونا کی تشخیص ہوچکی ہے جبکہ سندھ کورونا کے مثبت کیسز کے اعتبار سے دوسرے نمبر پر ہے ۔سندھ میں اب تک 7 ہزار 882 لوگوں میں کورونا وائرس کی تصدیق ہوئی ہے۔ خیبر پختونخوا میں کورونا کے 3 ہزار 288 ، بلوچستان میں ایک ہزار 321 ، اسلام آباد میں 464، گلگت بلتستان میں 372 اور آزاد جموں و کشمیر میں کورونا وائرس کے 71 کیسز رپورٹ ہوچکے ہیں۔
عالمی صورتحال
کورونا کی وبا اب تک دنیا کے ہر کونے تک پھیل چکی ہے ، کوئی ملک ایسا نہیں جو اس وبا سے محفوظ رہا ہو۔ دنیا بھر میں اب تک کورونا سے متاثر ہونے والے افراد کی تعداد 36 لاکھ 71 ہزار 812 ہوچکی ہے جبکہ ہلاکتوں کی تعداد 2 لاکھ 53 ہزار 241 ہوچکی ہے۔ اب تک دنیا بھر میں 12 لاکھ 11 ہزار 210 افراد کورونا کی وبا سے جان چھڑانے میں کامیاب رہے ہیں۔
سب سے متاثرہ ممالک
دنیا میں کورونا کی وبا سے سب سے زیادہ متاثر امریکہ ہوا ہے جہاں 12 لاکھ 14 ہزار 23 افراد میں کورونا کی تصدیق ہوئی ہے۔ سپین میں 2 لاکھ 50 ہزار 561 ، اٹلی میں 2 لاکھ 11 ہزار 938 ، برطانیہ میں ایک لاکھ 90 ہزار 584 ، فرانس میں ایک لاکھ 69 ہزار 462 ، جرمنی میں ایک لاکھ 66 ہزار 199 ، روس میں ایک لاکھ 55 ہزار 370 ، ترکی میں ایک لاکھ 27 ہزار 659، برازیل میں ایک لاکھ 8 ہزار 620 اور ایران میں 99 ہزار 970 افراد میں کورونا وائرس کی تصدیق ہوئی ہے۔
سب سے زیادہ ہلاکتیں
کورونا کی وجہ سے سب سے زیادہ ہلاکتیں بھی امریکہ میں ہوئی ہیں جہاں اس وبا کی وجہ سے مرنے والوں کی تعداد 69 ہزار 974 تک پہنچ گئی ہے۔ اٹلی میں کورونا کی وجہ سے مرنے والوں کی تعداد 29 ہزار 79، برطانیہ میں 28 ہزار 734 ، سپین میں 25 ہزار 613 ، فرانس میں 25 ہزار 201 افراد کورونا کی وجہ سے زندگی کی بازی ہار چکے ہیں۔
https://dailypakistan.com.pk/05-May-2020/1128824?fbclid=IwAR2irwA0jW3qJeCzwPLMyE6Nei7lD1
L83WNZc4w42CFVJWY3NTYpOmHXssk
لاہور(جنرل رپورٹر، خبرنگار)کوپر روڈ پر واقع چیف ایگزیکٹو آفیسر ہیلتھ کے دفتر میں تعینات ایک افسر سمیت چار ملازمین کورونا وائرس کا شکار،100 سے زائد افسران اور ملازمین کے کورونا ٹیسٹ کیلئے سیمپل لے لئے گئے، افسران سمیت ملازمین خوف میں مبتلا،ملازمین دفتر میں ایس او پی کا نفاذ نہ ہونے پر سراپا احتجاج،وزیر صحت کا سخت نوٹس، چیف ایگزیکٹو آفیسر ہیلتھ سے رپورٹ طلب کر لی ۔ تفصیلات کے مطابق کوپر روڈ پر واقع چیف ایگزیکٹو آفیسر ہیلتھ لاہور کے دفتر میں کام کرنے والے ایک ڈیٹا انٹری افسر محمد قدوس سمیت ہیلتھ نیوٹریشن سپروائزر عائشہ، سینٹری انسپکٹر سجاد علی اور ذیشان علی میں گزشتہ روز کورونا کی رپورٹ مثبت آگئی جس پر محکمہ ہیلتھ کے اعلیٰ افسران حرکت میں آ گئے ۔ وزیر صحت نے فوری طور پر نوٹس لے لیا اور کورونا کے شکار ایک افسر قدوس سمیت چاروں ملازمین کو قرنطینہ سنٹر میں منتقل کر دیا گیا اور چیف ایگزیکٹو آفیسر ہیلتھ کے دفتر میں کام کرنے والے 100 سے زائد افسران اور ملازمین کے کورونا ٹیسٹ کے لے سیمپل لے گئے ۔ دوسری جانب چیف ایگزیکٹو آفیسر ہیلتھ کے دفتر میں کام کرنے والے افسران سمیت ملازمین میں خوف و ہراس پھیل گیا اور ملازمین نے کورونا کے خلاف صف اول پر جنگ لڑنے والے ادارہ محکمہ صحت کے صوبائی دفتر میں کورونا وائرس کے حملے پربھرپور احتجاج کیا ۔ اور کہا کہ کورونا کا شکار ہونے والے محکمہ ہیلتھ کے افسر محمد قدوس سمیت دیگر ملازمین کے ساتھ کام کرنے والے افسران اور ملازمین کو وزیر اعلیٰ پنجاب کی جانب سے جاری ایس او پی کے مطابق سہولتیں فراہم نہیں کی جا رہی ہیں جس کی وجہ سے کورونا جیسے جان لیوا وبا نے محکمہ ہیلتھ ایک بڑے دفتر پر وار کر دیا ہے جو کہ انتہائی افسوسناک اور تشویشناک امر ہے ۔ اس موقع پر ملازمین نے محکمہ صحت کے ڈسٹرکٹ ہیلتھ اتھارٹی کے دفتر میں کورونا کی وبا کے پہنچ جانے کو چیف ایگزیکٹو آفیسر ڈاکٹر شعیب الرحمن گرمانی اور ڈسٹرکٹ ہیلتھ آفیسر فیصل ملک کی ناقص کارکردگی قرار دیا اور کہا کہ وزیر اعلیٰ پنجاب کے بار بار احکامات کے باوجود ڈسٹرکٹ ہیلتھ اتھارٹی کے اعلیٰ افسران نے کوئی منصوبہ بندی نہیں کی ہے جس کی وجہ سے دفتر میں ایس او پی نہ ہونے کے باعث کورونا پھوٹ پڑا ہے ۔ دوسری جانب صوبائی وزیر صحت ڈاکٹر یاسمین راشد نے ڈسٹرکٹ ہیلتھ اتھارٹی لاہور کے دفتر میں کورونا کی وباء پھوٹنے اور چار ملازمین کے کورونا کا شکار ہونے پر نوٹس لے لیا ہے اور چیف ایگزیکٹو آفیسر ہیلتھ لاہور سے 24 گھنٹوں کے اندر رپورٹ طلب کر لی ہے جبکہ اس حوالے سے ڈسٹرکٹ ہیلتھ آفیسر لاہور محمد فیصل ملک نے بتایا کہ دفتر کے ایک افسر سمیت چار ملازمین میں کورونا رپورٹ پازیٹو آنے پر 100سے زائد افسران اور ملازمین کے کورونا ٹیسٹ کروانے کے لئے سیمپلز لے لئے گئے ہیں جبکہ جن ملازمین کی رپورٹ پازیٹو آئی ہے انہیں پی کے ایل آئی میں واقع قرنطینہ سنٹر میں منتقل کر دیا گیا ہے ۔ انہوں نے بتایا کہ کورونا کے ممکنہ خطرات کے پیش نظر دفتر میں تمام حفاظتی اقدامات کئے گئے ہیں تاہم کورونا کی وبا پوری دنیا میں ہے اس میں ڈسٹرکٹ ہیلتھ اتھارٹی لاہور کے دفتر میں کورونا کی وبا پھوٹنے اور ملازمین کا کورونا کاشکار ہونے پر تحقیقات کا عمل بھی شروع کر دیا گیا ہے ۔
https://dailypakistan.com.pk/04-May-2020/1128496?fbclid=IwAR2ATxStg_qb87B2nwjUxS_O3RbxuhOx
https://dailypakistan.com.pk/04-May-2020/1128496?fbclid=IwAR2ATxStg_qb87B2nwjUxS_O3RbxuhOx
opX4uhuHDX-XoU6NIxoz7AgW73Y
نئی دہلی(مانیٹرنگ ڈیسک) دنیا بھر میں طبی عملہ کورونا وائرس کے خلاف جنگ میں پہلے محاذ پر لڑ رہا ہے اور جانوں کی قربانیاں بھی دے رہا ہے۔ مصیبت کے ان دنوں میں ہمت و حوصلے سے کورونا وائرس کے مریضوں کو زندگی کی طرف لوٹانے کی جدوجہد کرنے والے ان عظیم لوگوں تکریم دنیا کے ہر ملک میں دیدنی ہے۔ گزشتہ دنوں بھارتی شہر بنگلور میں ایک خاتون ڈاکٹر 20دن کی مسلسل ڈیوٹی کے بعد گھر پہنچی تو گھر اور سوسائٹی کے لوگوں نے ایسا استقبال کیا کہ ڈاکٹر کی آنکھیں نم ہو گئیں۔ ٹائمز آف انڈیا کے مطابق اس ویڈیو میں دیکھا جا سکتا ہے کہ سرخ لباس میں ملبوس ڈاکٹروجیاشری اپارٹمنٹ بلڈنگز کے درمیان میں کھڑی ہوتی ہے اور کئی منزلہ عمارتوں کی ہر بالکونی اور کھڑکی میں کھڑے لوگ تالیاں بجا کر اور اس پر پھولوں کی پتیاں نچھاور کرکے اس کا استقبال کر رہے ہوتے ہیں۔
اپنا ایسا استقبال دیکھ کر خاتون ڈاکٹر آبدیدہ ہو جاتی ہے۔ ڈاکٹر وجیا شری ایم ایس رامیہ میموریل ہسپتال میں انتہائی نگہداشت وارڈ میں کورونا وائرس کے مریضوں کا علاج کر رہی ہے۔ وہ مسلسل 20روز تک دن رات ڈیوٹی کرنے کے بعد گھر واپس آئی تھی۔ بھارتی وزیراعظم نریندر مودی نے بھی ڈاکٹر وجیاشری کے استقبال کی ویڈیو اپنے ٹوئٹر اکاﺅنٹ پر پوسٹ کی ہے اور کورونا وائرس کے خلاف جنگ میں طبی عملے کی قربانیوں کو خراج تحسین پیش کیا ہے۔
https://dailypakistan.com.pk/04-May-2020/1128510?fbclid=IwAR3nFp-yv7Mth-72xzbG_bGmovIiYQ_8DWx0HtBFfBxLrNx8tDELn5oBEK0
نئی دہلی(مانیٹرنگ ڈیسک) دنیا بھر میں طبی عملہ کورونا وائرس کے خلاف جنگ میں پہلے محاذ پر لڑ رہا ہے اور جانوں کی قربانیاں بھی دے رہا ہے۔ مصیبت کے ان دنوں میں ہمت و حوصلے سے کورونا وائرس کے مریضوں کو زندگی کی طرف لوٹانے کی جدوجہد کرنے والے ان عظیم لوگوں تکریم دنیا کے ہر ملک میں دیدنی ہے۔ گزشتہ دنوں بھارتی شہر بنگلور میں ایک خاتون ڈاکٹر 20دن کی مسلسل ڈیوٹی کے بعد گھر پہنچی تو گھر اور سوسائٹی کے لوگوں نے ایسا استقبال کیا کہ ڈاکٹر کی آنکھیں نم ہو گئیں۔ ٹائمز آف انڈیا کے مطابق اس ویڈیو میں دیکھا جا سکتا ہے کہ سرخ لباس میں ملبوس ڈاکٹروجیاشری اپارٹمنٹ بلڈنگز کے درمیان میں کھڑی ہوتی ہے اور کئی منزلہ عمارتوں کی ہر بالکونی اور کھڑکی میں کھڑے لوگ تالیاں بجا کر اور اس پر پھولوں کی پتیاں نچھاور کرکے اس کا استقبال کر رہے ہوتے ہیں۔
اپنا ایسا استقبال دیکھ کر خاتون ڈاکٹر آبدیدہ ہو جاتی ہے۔ ڈاکٹر وجیا شری ایم ایس رامیہ میموریل ہسپتال میں انتہائی نگہداشت وارڈ میں کورونا وائرس کے مریضوں کا علاج کر رہی ہے۔ وہ مسلسل 20روز تک دن رات ڈیوٹی کرنے کے بعد گھر واپس آئی تھی۔ بھارتی وزیراعظم نریندر مودی نے بھی ڈاکٹر وجیاشری کے استقبال کی ویڈیو اپنے ٹوئٹر اکاﺅنٹ پر پوسٹ کی ہے اور کورونا وائرس کے خلاف جنگ میں طبی عملے کی قربانیوں کو خراج تحسین پیش کیا ہے۔
https://dailypakistan.com.pk/04-May-2020/1128510?fbclid=IwAR3nFp-yv7Mth-72xzbG_bGmovIiYQ_8DWx0HtBFfBxLrNx8tDELn5oBEK0
No comments:
Post a Comment